العتب ماهو زعل لوضايقك كثر إنفعالي،،
وأنا لوازعل على كل البشر ماازعل عليك،،

بس لاطال الغياب وضاقت صدور الليالي،،
سقت لك ماجا على البال وتحمل مايجيك،،

يوم شفت الكون كنه في غيابك شبه خالي،،
صحت في وجه الزمان وقلت فيك وقلت فيك،،

ضاقت وساع الفجوج بعيني وزاد انشغالي،،
وين رحت؟وليه رحت؟ولامتى وأناأحتريك،،

كنت ادورفي عيون الناس إجابات لسؤالي،،

يمكن اعرف وين رحت؟
وليه رحت؟وكيف اجيك،،
كنت اقول لكل شارع ماوطتك اقدام غالي؟،،

من كثرماكنت ابي قربك وأبي دربك وابيك،،
كنت عنك اسأل نسيم الصبح لامرمتعالي،،

ماحمل يمي على دربه جواب من يديك،،
وامتلا صدري عتب وانت السبب في ماجرالي،،

ومن بعدهول التعب جيت اشتكيلك واشتكيك،،
تدرين انك كل عشقي وان غيرك ماطرالي،،ا